السلام عليكم ورحمة الله وبركاته
كل سنه وانتم طيبين يا جماعه
عقبال ما نهني بعض كده بالعتق من النار المهم اختنا العزيزه /اختكم في الله
مررلتي تاج الصراحه التاجات ده فيها حاجت بتخليك
تفكر في شخصيتك اكتر وتشوف عيوبك بصراحه نبدا على بركة الله
1- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟
احنا ممكن نحذف اجبتين !!! هو ده سؤال حلو علشان انا كنت مهندس معماري يعني شبيه بمهندس الديكور والفنون الجميله وحولت
احد الاسباب اني انا كنت خايف على ظهري حسيت انه شويه وهيتقطم نصين
في نفس الوقت اللي انا بلعب فيه كونغوفو وسبتها ودلوقتي هروح ملاكمة وطبعا انا لعيب كوره وبليستشن 2
2-الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟
ده لعبتي يعني انا محبوب جدا لاني استطيع اتاقلم مع الجميع ود بيورطني كتير بالذات لما يكون فيه اتنين من اصحابك مش قادرين يتاقلموا
مع بعض وفي نفس الوقت عاوزين يمشوا معاك؟؟؟!!!
3-الحاله العقلية بمعنى هل تشعر ان عقلك يعمل ولا حضرتك منيم دماغك ؟
لا الحمد لله الكركوبه قصدي عقلى يعني لسه بخيره واه لو حد اتحداني في حاجه مش هيهمد الا ويجبها حتى لو كانت مش تخصصي
مش تخصصي يعني حاجة واحده وبس وهيا اهل الفن دول مش تبعي
4-الحاله العاطفية مش محتاجة تفسير ومش عايز استعباط ؟
طيب مش هستعبط انا اعذب بس الحالة العاطفيه شغاله بحب امي وابويا واخواتي؟؟؟!!!
وبالمره نعمل اعلان اللي عنده واحده مش متجوزه وتقدر تصرف عليا والسن مفتوح لحد ما اخلص دكتوراه
تكلمني على الايميل نيهاهاها
اوعى حد يصدق
5-الحاله الروحية بمعنى هل علاقتك بربنا كويسة ولا الكلام على ابو لهب ؟
امممممممممممممممممممممممممممم ربنا بيسترني يوم ما اعصيه فمدام سترني مش هفضح نفسي
ده الاسئله العامه
الاول : اكتر عيب فيك ونفسك تتخلص منه ؟
اه هما كتير بس بما انك قلتي اكتر واحد فهوى النت انا ممكن اقعد على النت 24 ساعه كده من غير ما احس بالوقت
وده مبيخلنيش اقرا كتبي اللي بدات فيها
الثانى : ايه الحاجة اللى عملتها وندمت انك عملتها قوى ؟
طبيعي هيكون ده" وبالمره نعمل اعلان اللي عنده واحده مش متجوزه وتقدر تصرف عليا والسن مفتوح لحد ما اخلص دكتوراه
تكلمني على الايميل نيهاهاها"
لا الحمد لله الواحد لحد دلوقتي محصلوش اللحكاية ده او مش فاكر
االثالث : اية الحاجة اللى لسة معملتهاش وحتموت وتعملها ؟
اتجوز طبعا ههههههههههههههههههه
الحاجه اللي لسه معملتهاش اني اعمل عمل اضمن بيه دخولي للجنه ولو طبعا هموت وادخل الجنه هموت بدون تردد
الرابع : اكتر دعاء بتقوله وبتردده دائما؟
احب طبعا الاحتفاظ بده بس انا ممكن اديلك الدعاء العشرين من ادعيتي
وهو اللهم اتني في الدنيا حسنه وفي الاخرة حسنه وقني عذاب النار
الخامس : لو عرفت انك هتموت دلوقتى وقالولك اخر حاجة نفسك فيها ايه ؟
طبعا هقضيها ساجد لحد ما اموت
اللي يدخل ويقرا التاج يحله ويقلى انا حليته علشان اشوف
تحياتي
16 التعليقات:
اولا جزاك الله خيرا على حل التاج
اجابات صريحة وجميلة
بس انا مش فاهمة حضرتك كنت مهندس معمارى وبعدين ايه اللى حصل ؟؟
وبعدين الصورة اللى حضرتك حطيتها بتاعة الجميلة والوحش تحفة
انا اصلا بموووووووووووت فى الكرتون ده
اختكم في الله
السلام عليكم ورحمة الله وبركاته
اصل انا لفيت كل اقسام الهندسه في سنه واحده يعني تقديري حطني في اتصالات
بس انا حولت عماره وقعدت هناك شهر رمضان كله وعملت مشروعي وطلعت الاول في المشروع وكنت ماشي حلو بس انا بتعب من الملل يعني حياتي كلها للدراسه اجي بالليل من الكليه وانام ساعتين واصحي لحد الصبح لان قسم عماره مرهق كل يوم رسمه وبالذات مادة التصميم والبلدينج والظل والمنظور والديكور ماده لوحدها
فبعد شهر حولت مدني لانه القسم الوحيد اللي هقدر الم الشهر اللي فات مني لاني في المواد العلميه انا بفهم نفسي مش محتاج شرح دكتور ولا حاجة
وبقيت في مدني وحبيت مدني
وبغني واقول
انا مدني وابويا مدني بسماري ولوني مدني وبخفة دمي مدني وكل مدني الله عليه
وبس وكانت ده اصعب سنه لاني حسيت اني هشيل السنه بس بمعجزة من عند ربنا ومجهود جبار نجحت والحمد لله
اما الكرتون فانا بحب الكرتون الامريكي
والانمي الياباني بس طبعا الياباني بحبة اكتر لو عاوزه اجدد افلام الكرتون
هتلاقيها في موقع
fonekat.net
بس هو واقع دلوقتي وهيرجع
تحياتي
شكرا على الشرح والله انا كنت فعلا مستغربة
انا كمان اخويا مهندس مدنى وكان مش بيروح الكلية اصلا غير يوم واحد فى الاسبوع
ومكنش بياخد كورسات كمان
كان معتمد على فهمه هو من الورق والكتب
قسم عمارة بجد رائع على حد معلوماتى لانه قريب من ديكور اوى اوى بس اكيد المواد اللى حضرتك ذكرتها كلها مؤرفة واخص بالذكر الظل والمنظور والاسقاط الهندسى دول مطلعين عينى لكن التصميمات والانشاءات والوركينج محتاجة فكر ومحتاجين ابداع وبجد ممتعين
واكيد مدنى اصعب الف مرة من عمارة بس العمارة والديكور مجهدين اكتر بدنيا
بس اكيد ربنا عملك الخير بتحويلك للمدنى
ولعلمك ده اكثر قسم بعد كدة شغله كويس جدااااااا وبمرتبات ما شاء الله كويسة
اجاباتك لذيذه جدا وممتعه
بس فس حاجه انا عندي 3 تيجان لسه مش عملتهم
فانا مش ضفت رد هنا ولا دخلت
حد شاف حاجه ياجودعان
سلاموز:)
السلام عليكم
كيف حالك اخي الكريم
ربنا يبارك لك ويحقق ما تتمناه ..
ويمتعك بالصحة والعافية ..
تحيتي لشخصكم الكريم
اخى
كم اضحكتنى فى كتابتك عن المكان فى البروفايل..القبر
ومستعجل لية؟؟(:
لسة بدرى يا شهر الصيام وغيرة(:
انما يارب يرزقك حسن النية لله والصلاح لانة طريقك للجنة
أخى الكريم
كل عام وانت بخير
عيد سعيد لك ولكل أسرتك
طبعا أنا متأخرة كتير قى زيارتك وبشكرك على تعليقاتك فى عباد الرحمن وزيارتك لمدونة جنة
ربنا يحققلك كل ما تتمنى
يارب يجعل خاتمتنا واحنا ساجدين بنشكره على نعمه
تحياتى
اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد
عندى تاج فى المدونة ياريت لو عجب حضرتك تاخده تحله
كبارا
السلام عليكم ورحمة الله وبركاته
مرورك اسعدني وشكرا على الاطراء
اللي مستحقهوش ده
على العموم انا مشفتش حاجة
ولا حتى رديت عليكي
:)
تحياتي
جني
السلام عليكم ورحمة الله وبركاته
شكرا ويسعدني التواصل
معك
تحياتي
بنت سيناء
السلام عليكم ورحمة الله وبركاته
منا قلت اجبها من قاصرها
يعني بعد ما اتعب واعمر هروح القبر
خلينا من دلوقتي هناك :)
دعواتك حلوه امين يارب استجب
تحياتي
Gannah
السلام عليكم ورحمة الله وبركاته
شكرا لتشريفك مدونتي المتواضعه
تحياتي
نهر الحب
السلام عليكم ورحمة الله وبركاته
امين يارب
الصراحه ردودك كده بحس انها فيها
وقار وحكمه ربنا يرزقك اللي تتمنيه
تحياتي
اختكم في الله
السلام عليكم ورحمة الله وبركاته
التاج ده صعب المره ده اسئلته محتاجه تفكير وانا مطحون في الكليه بنت التيتتتتتتت
تحياتي
في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
إرسال تعليق